Categories
Entertainment

ابتسم أنت في الأردن

  1. كل واحد بتقابله بحكيلك انه اله ابن عم واصل بالحكومه
  2. كل مصعد كهربائي اله رائحه سامه
  3. كل واحد بتشوفه بشتكي
  4. معظم البنات شبه بعض
  5. معظم البنات بلبسوا زي بعض
  6. كل واحد بتشوفو بحكيلك انو ضيع فرصة شراء ارض فى عبدون قبل عشر سنين بخمسين دينار الدونم !!
  7. كل واحد بتشوفه بحكيلك انه جده اول واحد اشترى مرسيدس بالبلد
  8. كل واحد بتشوفه بحكيلك انه كان غني بزمناته
  9. 90٪ قدموا او بدهم يقدموا على جرين كارد
  10. كل الناس بتبحلق فيك بدون اي سبب محدد
  11. الشيك المؤجل صرفه لسنه يعتبر(كاش)
  12. ما حدا بعرف يحكي انجليزي صحيح بس بشكل او بأخر ما حدا برضى يحكي الا انجليزي!!!!
  13. كل واحد عنده قريب عايش بشيكاغو
  14. بين كل سياره وسياره بتشوف بي ام دبليو موديل (1980 زعره)
  15. حراس الديسكوات برحبوا فيك بكلمة (كوبلز……… بس)
  16. محلات المواد الغدائيه بتبيع مزيل عرق!!!
  17. بتشوف حادث سير كل كم كيلومتر
  18. ممكن تشوف مية شخص متجمعين على بنت حلوه عشان يصلحولها سيارتها … ومش ممكن تشوف ولا واحد يصلح سيارتى لانى بشوارب !!!
  19. كل واحد بحاول يحكي انجليزي بحكي كلمة (يعني) بعد كل كلمه
  20. الواسطه هي حل لكل مشاكلك
  21. كل واحد بتشوفه بحكيلك انا مدير عام … بس مدير على شو الله اعلم
  22. كل واحد عنده مشكله مع البنك وكل بنك معو مشكلة مع واحد
  23. اذا كنت رايح على امريكا… حط في بالك انه 100 واحد راح يتصل فيك عشان يبعت معك شنطه لقرابته
  24. بس تدخل مصلحه حكوميه بتتفاجأ انه الكل قرابة الكل
  25. الناس لما تحب توقف طابور… بتقدر تشوف الناس بس صعب تشوف الطابور
  26. في وسط البلد… كل واحد بمر جنبك راح يخلعك كتف لأنك لابس غير
  27. بكل زاويه بتلاقيلك خمس او ست اشخاص متجمعين
  28. البطاله 60٪
  29. اذا سألت حدا من وين شاري هاللبسه…. راح يحكيلك : شارع مكه اعرف انو قصدو شارع الطلياني (الباله)
  30. الساعه سبعة الصبح بتشوف كل الناس ماشيه وحامله صحون حمص وفول والساعه سبعه مسا اكياس ورق فيها برضو فلافل
  31. بتشوف شبين بتطاوشوا على بنت على اساس انه صاحبتهم … بس البنت ما بتعرفهم الأتنين
  32. كل الناس بتطلع رحلات على الغور
  33. الشباب عاملين تاتوو على ذراعاتهم ( غدار يا زمن) او ( بحبك يما) او (لن انساك يا امي)
  34. على الاشاره الناس بتزمرلك قبل ما تصير الاشاره خضراء
  35. اعظم اختراع اردني: موس ابو سبع طقات
  36. اشهر انواع الادمان هي: شم التنر خصوصا اطفال المدارس
  37. معظم الأطفال بسن 10 سنوات ماسكين سجاير
  38. الزباله بتكون بره الحاويات… لانه الحاويات للبسس بس
  39. ازا رحت على مستشفى البشير.. راح تعرف شو يعني (سلخانه)
  40. ازا كنت بالخدمة العسكريه مسموحلك ب35 طلقه بالسنه … ازا حبيت اكتر بتشتري على حسابك
  41. التحية المتداوله : أيش يا ابو الشباب!!!!!
  42. ازا كانت الدنيا حر… بدل الغور بتروح على الساحه الهاشميه
  43. الشخص اللي يقوم بتفتيشك على بوابة المطار… بحكيلك: تراك حليوه
  44. لك حرية الاختيار بأن تطلب )تشيز برجر) بدون جبنة !!!!!!!!!
  45. معظم دخل التلفزيون الاردني من اعلانات مركز ضراغمه التجاري( قومي معي هنيه … وين وين ….)
  46. كل يوم هناك حوادث انفجارات لأسطوانات الغاز… السبب انه يتم فحص تهريب الغاز عن طريق الولاعه!!!!!
  47. بتروح على صلاة الجمعة بكندره جديده …. وبتروح بزنوبه
  48. عشان تصدق شهادة عليك ان تقوم بجوله مكوكيه بحثا عن100 توقيع وطابع بريد
  49. بتلف على كل محلات البلد عشان صرافة 10 دنانير و ما بتلاقي
  50. مطار عمان الدولي بسكر الساعه 10 ليلا !!!!!!!!
  51. ازا كنت حابب تشوف حالك زمان كيف شكلك…. روح على التعبئه والتجنيد … عندهم كل صورك بالاضباره
  52. ازا بدك تخلص من مرتك… خليها تركب انبوبة الغاز فى البيت
  53. بتشوف كندره صغيره معلقه على كل سلك كهرباء
  54. كل مراكز التسوق : للعائلات فقط!!!!! وما فيها حدا الا العزاب
  55. الشعب الاردني يعتقد ان حرس الباديه بتقدر على قوات المارينز الامريكيه
  56. الكل بدخن بس ماحدا بشتري دخان (شغل سلبطه)
  57. تعريف النجاح بالأردن: هو ان تفوز على نسيبك بلعبة طرنيب
  58. داقق على سنانك: هو ان تفوز بلعية تريكس بعد ما تفوز بلعبة طرنيب
  59. من السهل ان تتنقل بالأردن دون مرشد سياحي لأنه لا يوجد طريق سريع الا عمان-العقبه
  60. الخلوي يحمل بالجهه اليسرى من الوسط ليوازن الميداليه الموضوعه في الجهه اليمنى
  61. الشعب الاردني الشعب الوحيد اللي شاف صدام حسين على القمر بدون منظار
  62. الاردن الدوله العربيه الوحيده ….العطله الاسبوعيه: جمعه وسبت !!!!
  63. اذا الشباب حابه تشوف صبايا بروحوا على عمان الغربيه عشان يتفرجو على فتريانات المحلات كلها لعب بلاستك
  64. اذا زرت حدا… بسألك شو تشرب… وببعت الولد الصغير يشتريلك من الدكانه
  65. اذا الواحد ضحك كتثر بيصير يقول “خير ان شاالله” وكـأنه الضحك كتير معناتها مصيبة عالطريق.
  66. اذا شاف الاردني اجنبي..بيصير يبحلق فيه وبفلله من فوق لتحت.. واذا صحللو يحكي معاه ما بيقصر حتى لو طبّشلوا كم كلمة! الفضول بيقتله يعرف قصة حياته (اسمه وعمره وعنوانه)
  67. اذا رحت زيارة عند حجات كبار- وكنت بتشتغل- اول سؤال بيسألوك اياه “قديش راتبك ؟”

Leave a Reply

This site uses Akismet to reduce spam. Learn how your comment data is processed.